18 Nov 2020

大部分即棄衛生巾係都無公開成分/材質，有些也只是選擇性公開部分資料。雖然知道用了塑膠同加入了很多化學成分，但係唔能夠完全掌握到底有幾多對人體有影響的成分，這樣對消費者其實係唔公平。暫時市面上只有食品、護膚品同衣服會披露比較完整的資料，好多常見的日用品，尤其是即棄衛生巾同一般清潔用品都近乎零資料，例如洗衣用品。

相比之下，布巾就同衣服一樣，大多會列明用料，這樣大家就可以知道自己用緊啲乜，有知情權就可以選擇自己想要嘅嘢，不過知情權宜家係香港已經唔係一啲基本嘢…

布衛生巾主要物料當然就係布，各式各樣嘅布都有，以棉為主。通常外面那塊布會是印花布，貼皮膚那邊可以是棉布、絨布。棉布最大的好處透氣、舒適、吸濕，所以比較適合用來製作可重用衛生巾。有些品牌會加入防水層，有些則完全靠布本身的吸收能力。無防水層好處就是透氣，不過相對比較容易滲漏，通常適合做護墊，或者就要換得密啲。Lovely Cotton 櫻桃蜜貼全系列加入了防水層，材質為TPU，非塑膠，屬於一種環保透氣物料。從下面呢段youtube亦就會知道就算每個月幾"澎湃"都無問題。

非有機棉布巾一樣造成污染

棉讓人覺得天然，會令人有環保的錯覺。其實棉花產業（非有機種植）是全球環境污染其中一個巨大來源。棉花佔了全球2.5%農地，卻使用了全球16%殺蟲劑，同時亦使用大量化學肥料，加上一般會進行漂白染色等加工程序而造成水污染。所以用棉布造的衛生巾雖然可以避免了即棄衛生巾對你的化學影響，減少塑膠垃圾，但同時間也帶來另外一些化學物質，以及你所看不見的製造過程而產生的環境影響。

相對地，Lovely Cotton 櫻桃蜜貼採用了GOTS有機種植彩棉，即是用本身就是咖啡色的棉花所織成嘅布，無需進行漂白染色，於是大幅減少了種植及製造過程中所使用的化學物料，也減少染整布料作業時所排放的廢水，大家就不會再因為化學物料刺激皮膚、造成傷害，也減低對地球的影響。

非有機其實不便宜

大家一般都會留意到有機產品比一般產品貴，為什麼呢? 其中一個原因就是有機種植不用化學農藥，又需要定期讓農地休息，收成就會比一般種植少。另外一個原因就是一般產品並沒有將所有隱藏成本計算在內，包括將來社會清理污染的費用、對人體長遠所產生的影響而增加的醫療費用等，而這些“費用”其實都會由未來嘅我地同我地下一代負責找數，宜家嘅便宜其實只係先使未來錢。當然作為一個打工仔/小市民(包括小編)好多時都需要係荷包同理想做個平衡，如果係食落肚、扮靚靚或者貼身用品、手鬆啲就會稍微犧牲下荷包，對宜家同未來嘅自己好啲，糧尾手緊時就買非有機頂住先。

上一篇：怕掂血，點樣洗布衛生巾啊? – 布衛生巾知多點系列 (4)