30 Oct 2020

曾經有女生們問布衛生巾或者布巾用完之後，係咪要即時洗先洗得乾淨，所以只可以係屋企用。以小編理解，就算不同品牌的布巾，應該都唔駛即刻洗，通常可以包好放入防水收納袋，返屋企先洗。Lovely Cotton 櫻桃蜜貼之所以受歡迎，缺貨大半年大家都願意等待(小編註:好抱歉之前要大家等，土下座模式中)，其中一個原因就是容易洗同可以洗得好乾淨，唔會有痕跡。用完唔駛即刻洗，朝早趕住返工亦可以包好放埋一邊，夜晚先洗。試過唔記得洗，放了3日先洗都洗得好乾淨！(最好當然係用完當日洗啦。)

唔駛掂到血都洗到

Lovely Cotton 櫻桃蜜貼用清水一沖就可以無血跡！ 去片～

所以如果你係唔想掂到血的話，可以先拎住無血那邊開水喉沖走啲血。目測無血水之後，可以係水中擠壓多幾下，之後就當內褲般清洗就可以了，放洗衣機或者手洗都得。呢個洗法接觸到嘅血量應該同洗染到經血的內褲差唔多了～

同你一齊沖涼

如果唔介意隻腳會掂到血水，那小編介紹你另外一個懶人洗法：同布巾一齊沖涼（淋浴）。沖涼嗰陣將布巾反轉放係企/浴缸,先一齊淋下水，之後間歇地用腳踩下，擠壓出血水，之後同內褲一齊清洗就搞掂，慳水又慳時間。

唔需要用水先浸

有時都有女生們問："未洗之前要唔要用水先浸住啊？" 因為Lovely Cotton 櫻桃蜜貼好易洗，所以基本上唔需要浸，如果經血變硬了的話（尤其是放咗幾日），那也可以浸5-10分鐘等啲血變軟，之後好似平時那樣洗就可以了。唔太建議長時間浸泡，或者浸時要加適量洗衣清潔用品，否則浸完嘅水會變得好難聞，因為有細菌滋生，所以既然Lovely Cotton 櫻桃蜜貼咁好洗，小編就唔建議你先用水浸了，反而小編會建議布巾定期曬下太陽，低溫烘乾，或者加入消毒液（例如滴露）進行消毒，這樣用落就更安心了。

上一篇：衛生巾用完要洗? 好污糟，仲有味添㗎喎?! – 布衛生巾知多點系列 (3)